Заманауи технологиялық үдерістерді енгізу және сапалы құрылыс материалдарын пайдалану арқылы күрделі жөндеу жүргізілген абаттандырылған жатақхана 840 орынға арналған. Студенттер үйінде тамақ дайындауға арналған барлық құралдармен жабдықталған тұрмыстық бөлмелер, кір жуу бөлмелері, интернетке қосылған компьютер залдары, электротехникамен жабдықталған демалыс бөлмелері, оқу залдары, фитнес залы, тренажер залы, макет студиясы, кафетерий бар.

Студенттер үйі ішкі және сыртқы бейнебақылау камераларымен жабдықталған. Жазба әр қабатта жасалады және күзетпен бақыланады. Студенттер үйінің ғимараты мен оған іргелес аумақ ХБК-ның қауіпсіздік қызметімен күзетіледі.

Студенттер үйінде тұрақты түрде студенттік кеңес жұмыс істейді, ол бос уақытты ұйымдастырудың барлық іс-шараларына қатысады, тұратын студенттердің бөлмелерінде тәртіп пен жайлылықты сақтайды. ХБК әкімшілігі жыл сайын дәстүрлі «Үздік бөлме» байқауларын өткізіп, дипломдар мен бағалы сыйлықтар табыс етеді. Бірнеше рет студенттер үйі қаланың студенттік жатақханалары байқауларында жеңімпаз атанды.